Странски нецаринети автомобили затекнати во Визбегово на див отпад

Полицјата воочи неправилности во работењето на три отпади за половни возила во Визбегово.

Имено, припадници на полицијата и инспекторатот извршија контрола во три отпади за половни возила, сопственост на Р.З. од скопското село Визбегово, И.А. од Скопје и С.А. од Визбегово.

„При контролата било констатирано дека сите три отпади работат без регистрирана дејност, односно фирма во Централниот регистар, без дозвола за работа од Министерството за животната средина и природата, а биле затекнати и повеќе различни типови нецаринети возила со странско потекло“, соопшти МВР.

За сите констатирани недостатоци, против сопствениците ќе бидат поднесени соодветни поднесоци.