Средба Спасовски – Нешиќ: Односите меѓу двете земји во делот на безбедноста се на исклучително високо ниво

Нашата досегашна одлична соработка како на политичко така и  на оперативно ниво се темели на веќе потпишаните Договори меѓу Владите на нашите две земји за заемно признавање и замена на возачки дозволи, соработка во борбата против тероризмот, организираниот криминал, нелегалната трговија со наркотични дроги, психотропни супстанци и прекурзори, нелегалната миграција како и преземање на лица со незаконски престој, кои несомнено се од големо значење за Република Северна Македонија и за Босна и Херцеговина“,  истакна на средбата меѓу другото министерот Спасовски, информирајќи го притоа министерот Нешиќ за операционализацијата на Договорот помеѓу ЕУ и Република Северна Македонија за оперативна соработка во управувањето со границите со Европската агенција за гранична и крајбрежна стража -ФРОНТЕКС.

Министерот за безбедност на Босна и Херцеговина, Ненад Нешиќ  изрази задоволството што Босна и Херцеговина и Република Северна Македонија немаат отворени прашања, одлично соработуваат како две пријателски земји и тоа и во иднина ќе го негуваат. При тоа беше побарано од  министерот Спасовски да ги сподели искуствата поврзани со работата на граничната служба, борба против криминалот и корупцијата, како и внатрешната контрола. Министерот Нешиќ изрази подготвеност за влез во регионалната иницијатива Отворен Балкан, со цел да нема задржување на границите и да тече слободниот проток на граѓани.

Делегацијата  на Министерството за безбедност на Босна и Херцеговина, предводена од министерот за безбедност, Ненад Нешиќ утре ќе присуствува на свеченоста по повод  Денот на Специјалната антитерористичка единица ТИГАР.