Сообраќајка во Словенија: изгубил контрола над автомобилот и влетал во ресторан (ВИДЕО)
Вчера околу 15 часот во Иванчна Горица, Словенија, се случила сообраќајна незгода во која возачот со автомобил влетал во гостите од ресторанот на бензинската пумпа, пишува 24.ур. Словенечката полиција објави видео од надзорна камера на која се гледа моментот кога автомобил удри во гости во кафуле.
Во несреќата полесно се повредени три лица, на кои им била укажана лекарска помош на лице место, пред да бидат пренесени во Универзитетскиот клинички центар во Љубљана. Во незгодата не е повреден возачот, словенечки државјанин кој управувал возило со странски регистарски таблички, а полицијата против него извршила кривична истрага.
Љубљанската полиција наведува дека досега собраните информации укажуваат дека возачот изгубил контрола над возилото на влажен дел од коловозот поради несоодветна брзина. Во интервенцијата учествувале и пожарникари кои го обезбедиле местото на настанот и го исклучиле акумулаторот на возилото.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
