Се судрија возило и трактор кај Пробиштип - двајца итно пренесени во болница во Штип
Две лица се повредени по тешка сообраќајна несреќа меѓу возило „матиз“ и трактор, во близина на Пробиштип.
-Вчера во 10.30 часот во Полициската станица Пробиштип било пријавено дека на регионалниот пат Р-1205, кај Пробиштип, се случила сообраќајна несреќа помеѓу патничко возило „матиз“ со кратовски регистарски ознаки, управувано од Г.Т.(63) од Кратово и трактор „махиндра“ со пробиштипски регистарски ознаки, управуван од С.Н.(52). Во несреќата со тешки телесни повреди се здобила сопатничката од патничкото возило „матиз“ М.Т.(61) од Кратово, а со телесни повреди возачот Г.Т., констатирани во Клиничката болница Штип, се вели во полицискиот билтен.
Извршен бил увид од увидна екипа од ОВР Пробиштип.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
