СДСМ: Еден човек се онесвестил - ВМРО-ДПМНЕ ги понижи граѓаните кои со часови чекаа ваучер за клима
Неспособната ВМРО-ДПМНЕ денеска срамно ги понижи граѓаните кои со часови и во долги редиви чекаа за ваучери за клима уреди. Дури има случај каде што едне човек се онесвестил, велат од СДСМ.
„СДСМ кога ги доделуваше ваучерите имаше систем без чекање, граѓаните имаа опција по пошта или лично во подолг временски период да ги подигнат. Затоа никогаш досега немаше гужви.
Дополнително од 2017 до 2021 година и градоначалниците на СДСМ имаа огласи за инвертери но никогаш гужви и понижување врз граѓаните никогаш немало.
Моделот на СДСМ одлично функционираше. Сега слушаме дека ВМРО-ДПМНЕ се правда дека немало време за пошта што воопшто не е точно. Но секако, ова е јасна потврда дека заради нивната неспособност граѓаните мора да мрзнат и се туркаат.
Ова што го прави ВМРО-ДПМНЕ е срамно и неодговорно.
Прашање е дали ВМРО-ДПМНЕ можеби и намерно се изживува врз граѓаните заради ПР?“, прашуваат од СДСМ.
07.11.2024 - 15:55
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
