Изгоре училиштето „Дрита“ во село Рашче

Во основното училиште „Дрита“ во скопско Рашче синоќа настанал пожар, кој бил целосно изгаснат за околу час и половина.

Според првичните информации на полицијата, пожарот настанал вчера околу 23 часот, а огнената стихија ја гаснеле седум противпожарни возила.

Според информациите причината за пожарот е старата електрична инсталација, а колкава е материјалната штета допрва ќе се утврдува.

Полицијата сé уште врши увид на местото на настанот и најави повеќе детали за текот на денот.

За денеска е најавена посета на училиштето од страна на градоначалникот на Општина Сарај, Беким Мурати.

Министерството за образование и општината сарај финансиски ќе помогнат во обновувањето на училиштето.