Матуранти внимавајте што правите: СВР-Битола со превентивни информации

СВР Битола во пресрет на матурските вечери на матурските одбори им посочи низа превентивни информации во функција на безбедно одвивање и завршување на матурските свечености.

Од СВР-Битола на матураните им предочија за време на матурските прослави да не користат алкохол или дрога, да не управуваат со моторни возила без положен возачки испит или под дејство на алкохол или дрога и да избегнуваат кавги, тепачки или други расправии.

Стручните лица од битолската полиција нагласија дека за време на матурските вечери ќе бидат зајакнати сообраќајните и други контроли со цел безбедно и достоинствено одбележување на матурската прослава.