Непозната болест се шири во Конго: Виетнам ги засили контролите на аеродромите
Центарот за контрола на болести во Ханој денеска ги засили здравствените контроли на меѓународниот аеродром Нои Баи поради појава на мистериозна болест во Конго, јави виетнамската агенција ВНА.
Минатата недела, Одделот за превентивна медицина при Министерството за здравство на Виетнам издаде итно известување во врска со случаи на непозната болест во Демократска Република Конго.
Според податоците на Светската здравствена организација (СЗО), од 24 октомври до 5 декември 2024 година, здравствената зона Панци во провинцијата Кванго во Конго пријавила 416 случаи на непозната болест, со 31 смртен случај, што претставува стапка на смртност од 7,6 проценти.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
