Трагедиите немаат крај за Фута Радуловиќ: Откако му починаа сопругата и двата сина, изгуби уште една блиска личност

Пред скоро една година се појави веста за ненадејната смрт на Милан Радуловиќ-Лаќа синот на Марина Туцаковиќ и Александар Фута Радуловиќ.

Таткото на Милан се уште не може да се опорави од семејните трагедии кои му се случија за кратко време. Неговиот прв син Милош почина во декември 2008 година. Во септември 2021 година почина и неговата сопруга Марина, а година и три месеци подоцна го загуби вториот син Лаќа. Но несреќите не завршија тука.

Како што кажа Фута во својата емотивна исповед, тој во меѓувреме го загубил и својот татко.

-Како што знаете, ме зафатија семејни трагедии една по друга. Прво Марина, па Лаќа, а во меѓувреме почина и татко ми. Што да кажам, знаете како се чувствувам… тагувам… се трудам да живеам и да останам во некоја нормалност и да си го организирам животот на некој друг начин и да почнам да живеам нормално. Сè уште трае. Денеска ќе го посетиме и неговиот гроб, а свештеникот ќе одржи и годишен панихида, рече тој.

Радуловиќ истакна дека единствен спас во мрачното секојдневие му е работата на нови музички проекти.

-Работата на музика и мојата вклученост во филмот „Недела“ ми го оттргнува вниманието од играње разни филмови во мојата глава, што не е нормално. Тоа е нешто креативно, правам се друго, само за да ме оттргнат од овие случувања околу мене. Не знам како поинаку да објаснам. Не можев да сторам ништо друго. Но, ова е поврзано со музиката, која за мене е пред се. Таа ми помогна од самиот почеток, призна Фута.