Зеленски си призна: Мораме да се повлечеме

Претседателот на Украина, Володимир Зеленски, призна дека украинската армија ќе мора да се повлече доколку западните сојузници престанат да испраќаат помош за Киев, пишува „Блумберг“.

„Сега сум фокусиран на тоа да добијам помош од Западот. Нивниот фокус се менува поради ситуацијата на Блискиот Исток и други причини. Без нивна поддршка ќе се повлечеме“, рече Зеленски на средбата со претставниците на странските медиуми.

Како што истакна, по влошувањето на ситуацијата на Блискиот Исток, Украина почнала да добива помалку гранати во калибар од 155 мм.

„Блумберг“ пишува и дека во текот на оваа недела украинскиот лидер ги убедил западните сојузници дека неговата војска ќе може да се подготви за борби оваа зима.

Западните медиуми сѐ почесто пишуваат дека САД и ЕУ почнале да се заморуваат од украинскиот конфликт и дека поддршката за режимот Зеленски се намалува.

Според Ен-би-си, американските и европските претставници веќе разговараат со Киев за можните последици од мировните преговори со Русија, вклучително и дискусии за тоа што Украина би можела да мора да се откаже за да постигне договор.