Четири лица загинаа во тешка сообраќајна несреќа во Босна и Херцеговина
Четири лица загинаа во страшна несреќа што се случи синоќа околу 20:30 часот на магистралниот пат Прњавор-Дервента во Штрбци, пишува „Тузлански“.
Во сообраќајната незгода учествувало „пежо“, кое го управувало лице чиј идентитет подоцна ќе се утврдува, а другиот учесник во несреќата бил Б.Ѓ. (26) од Прњавор, кој управувал „пасат“.
„Во сообраќајната несреќа загинаа четири лица кои се наоѓале во возило „Пежо“. Истрагата на лице место ја спроведе дежурниот обвинител на Окружното јавно обвинителство Бања Лука, Синиша Врањеш, заедно со полициски службеници од полициската станица Прњавор“, соопштение е од Окружното јавно обвинителство Бања Лука.
Обвинителот нареди да се преземат сите потребни истражни дејствија и мерки, како и вештачења за утврдување на сите околности на сообраќајната незгода, пренесуваат босанските медиуми.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
