Арсовска: До крајот на месецов приватните превозници ќе возат низ Скопје

Вечерва во „10МИНУТИ“ на ТВ21 градоначалничката на Град Скопје, Данела Арсовска кажа дека приватните превозници ќе се вратат на улиците низ градот до крајот на месецов.

„Она кое го имавме како постапка, беше прекинато на два пати. Имаа недостатоци во документацијата, сега им е целосна документацијата, и во рамки на законски, јавниот повик е исполнет, договорот се склопува неделава, и очекувам скоро дека ќе се реши. Од прилика осум дена од потпишувањето на договорот приватните автобуси ќе се вратат на улиците и очекувам тоа да биде кон крајот на овој месец. Ова што го направија во изминатите неколку дена, имаше проверка во ЈСП на ГПС системите, и тоа како постапка беше завшрено, и сега следува само официјализација на договорот“, рече Арсовска.