Министерката Петровска во Рамштајн на состанок на Контакт-групата за Украина
Министерката за одбрана Славјанка Петровска денеска учествуваше на министерскиот состанок на Контакт-групата за Украина на која воведно обраќање имаа секретарот за одбрана на САД, Лојд Остин и министерот за одбрана на Украина, Олекси Резников. При тоа со свои обраќања се вклучија голем број на министри за одбрана на земји-членки и партнери на НАТО и Европската Унија, високи воени претставници како и генералниот секретар на НАТО, Јенс Столтенберг и
високиот претставник на ЕУ за надворешна и безбедносна политика, Жозеп Борел.
На состанокот, министерката Петровска потенцираше дека со донациите на воена опрема, Северна Македонија на дело покажа дека останува посветена во поддршката на суверенитетот и интегритетот на Украина.
„Северна Македонија е солидарна со Украина, нејзините граѓани и нивната храбра борба за одбрана на својата држава. Мораме да останеме цврсти во нашата посветеност за поддршка на суверенитетот и територијалниот интегритет на Украина. Веруваме дека не постои алтернатива на давањето целосна поддршка на Украина и нејзиниот народ“, истакна министерката Петровска на состанокот на Контакт-групата.
На состанокот кој беше поделен во три сесии, едногласно беше изразена поддршката за одбрана на територијалниот интегритет и суверенитет на Украина.
21.04.2023 - 20:01
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
