ВИДЕО: Човек запеа од радост кога го извлекоа од урнатините по 140 часа
Маж кој помина 140 часа под урнатините во турскиот град Кахраманмараш пееше од радост кога спасувачите го извлекоа на безбедно.
Спасувачите комуницирале со Мухамед Хабиб преку дупка што ја направиле во урнатините на зградата што се урна врз него поради катастрофалниот земјотрес што ја погоди Турција во понеделникот.
На видеото се гледа како 27-годишниот пее стихови од Куранот за време на 10-часовната операција на вадење.
На крајот, додека огромната машина го влече на безбедно, тој ја подига тупаницата во воздух и извикува „Господ е голем“, поздравувајќи ги своите спасувачи.
Повеќе од 34.000 луѓе загинаа во земјотресот што во понеделникот ги погоди Турција и Сирија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
