Присуство потврдиле 40 Бугари: „Фондација Македонија“ ги повикува младите на гробот на Гоце Делчев
„Фондација Македонија“ која се декларира како бугарска културна и образовна организација, поладнево од својот профил на Фејсбук упати повик до сите Бугари во Скопје, а особено до помладите, да присуствуваат на одбележувањето на годишнината од раѓањето на Гоце Делчев кое ќе се одржи в сабота во Скопје.
Во објавата се додава дека организацијата добила потврда од повеќе од 40 Бугари од Скопје и од земјава дека ќе присуствуваат на чествувањето на 4 февруари во црквата „Св. Спас“.
„Апел до сите Бугари во Скопје, особено до младите: Дојдете во сабота на гробот на Гоце заедно да му оддадеме чест во 11:30 часот на паркингот на Калето. Досега над 40 Бугари од Скопје и Северна Македонија ни потврдија дека ќе дојдат“, се наведува во објавата на бугарската оранизација „Фондација Македонија“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
