SkyShowtime најавува низа серии и филмови пред активирањето во осум нови пазари и кај нас

Новата европска услуга за стримување ќе биде достапна од 14 февруари во Северна Македонија, Албанија, Чешка, Унгарија, Косово, Полска, Романија и Словачка.

SkyShowtime дава вредност нудејќи разнолик избор на одлична забава - вклучително и изворни холивудски филмови и ексклузивни нови серии од најдобрите светски студија - за одлична цена

SkyShowtime - следната одлична услуга за стримување во Европа - ќе продолжи успешно да се проширува во 2023 година.  Следната тура активирања ќе биде најголемото проширување на услугата досега, при што ќе се вклучат осум нови пазари во Централна и Источна Европа.  На 14 февруари SkyShowtime ќе им ја даде својата првокласна понуда на корисниците во Албанија, Чешка, Унгарија, Косово, Северна Македонија, Полска, Романија и Словачка. Со ова проширување на повеќе територии бројот на активни пазари на стриминг платформата ќе ја достигне бројката 20.

Корисниците на овие новоактивирани пазари ќе имаат пристап до ексклузивни телевизиски премиери на филмови од продукцијата на Universal Pictures и Paramount Pictures, нови и ексклузивни серии по оригинални сценарија, детски и семејни содржини и избор на легендарни наслови и пакети од Nickelodeon, DreamWorks Animation, Paramount+, SHOWTIME®, Sky Studios и Peacock - сето тоа стримувано на едно место. На SkyShowtime ќе се прикажуваат и локални оригинални програми, документарци и посебни изданија од локалните пазари.  Компанијата неодамна објави дека склучила договор за преземање на 21 оригинални серии од HBO Max во Европа, вклучително и нови серии кои премиерно ќе се прикажат во 2023 година како оригинали на SkyShowtime. 

Со илјадници часови квалитетна забава за целото семејство,  SkyShowtime е домот на нови блокбастери што ќе бидат достапни на услугата по прикажувањето во кината и услугите за домашна забава. По активирањето, локалната публика ќе има пристап до: „Ambulance“, „Downton Abbey: A New Era“, „Jerry & Marge Go Large“, „Jurassic World: Dominion“, „Ray Donovan: The Movie“, „Redeeming Love“, „The Bad Guys“, „The Hanging Sun“, „The Northman“ и „Top Gun: Maverick“. 

Освен тоа, претплатниците ќе имаат пристап до широка понуда на серии: вклучително и: „1883“, „1923“, „A Friend of The Family“, „All The Sins“, „American Gigolo“, „Funny Woman“, „Halo“, „Law and Order“ Сезона 21, „Let the Right One In“, „Mayor Of Kingstown“ сезона 1 и 2, „Pitch Perfect: Bumper in Berlin“, „Star Trek: Strange New Worlds“, „Souls“, „Super Pumped: The Battle for Uber“, „The Best Man: The Final Chapters“, „The Calling“, „The Fear Index“, „The First Lady“, „The Midwich Cuckoos“, „The Offer“, „Rise“, „The Undeclared War“, „Tulsa King“, „Vampire Academy“ и „Yellowstone“.
​
Големите нови филмови и серии што ќе се појават на SkyShowtime во текот на следните месеци ги опфаќаат некои од најочекуваните изданија: 
„A Town Called Malice“, „Belfast“, „Drift - Partners in Crime“ (С1A), „Lioness“, „Minions: The Rise of Gru“, „Nope“, „Rabbit Hole“, „Ripley“, „Smile“, „The Black Phone“ и „The Great Game“.

Корисниците во Централна и Источна Европа, исто така, ќе можат да гледаат два од првите оригинали на SkyShowtime што ќе се појават на услугата во 2023 година - чешката продукција  „The Winner“ и полската продукција „Still Here“.
​ Друга популарна локална продукција што ќе се најде на услугата е унгарскиот наслов  „The Informant“. Покрај тоа, седум добропознати локални наслови ќе бидат достапни за претплатниците од март натаму, вклучително и: „Czech It Out!“ (Чешка), „Hackerville“ (Романија), „One True Singer“ (Романија), „Ruxx“ (Романија), „Tuff Money“ (Романија), „The Sleepers“ (Чешка), „Succes“ (Хрватска).

​SkyShowtime ќе биде новиот ексклузивен дом на овие популарни програми.

Главниот извршен директор на SkyShowtime, Монти Сархан, рече: „Со активирањето на SkyShowtime во осум нови пазари годината ја започнуваме на неверојатен начин. Ова претставува најголемото проширување досега и особено се радувам што го надградуваме тековниот успех на услугата што е веќе активирана во нордиските земји, Холандија, Португалија и неколку региони околу Јадранот.  Уверен сум дека новата публика во Централна и Источна Европа ќе ужива во неверојатната низа серии и филмови за одлична цена. Исто така, сме возбудени што ги враќаме саканите серии направени по оригинални сценарија во Централна и Источна Европа.“

Габор Харсани, регионален генерален директор за Централна и Источна Европа, SkyShowtime рече:

„SkyShowtime нуди пакет неверојатни содржини. Горди сме што им нудиме на новите корисници од Централна и Источна Европа нов и ексклузивен пристап до најновите серии и најголемите блокбастери од легендарните и светски познатите студија како и локална и оригинална програма што ќе ѝ се допадне на публиката. Возбуден сум што оваа понуда од светска класа доаѓа во нашиот регион со локално раскажување и многу конкурентна понуда за ЦИЕ.“ 

SkyShowtime ќе биде достапна директно до корисниците преку веб-страницата: www.skyshowtime.com и преку апликацијата SkyShowtime на Apple iOS, tvOS, уредите на Android, Android TV, Google TV и LG TV.

Во Албанија, Косово, Северна Македонија и Словачка, SkyShowtime ќе биде достапна за 5,99 евра месечно.  Во Романија, услугата ќе биде достапна за 3,99 евра месечно. Во Чешка, цената ќе биде 179 CZK месечно, во Унгарија 1999 HUF месечно и во Полска 24.99 PLN месечно.

Лансирањето доаѓа по долгоочекуваното пристигање на SkyShowtime во Данска, Финска, Норвешка и Шведска во септември; Холандија и Португалија во октомври; и Босна и Херцеговина, Бугарија, Хрватска, Црна Гора, Србија и Словенија во декември.