ЦУК: Тимови од Дирекција за заштита и спасување не се вклучени во потрагата по лицето кое утрово скокна во Вардар
Од Центарот за управување со кризи информираат дека во потрагата по лицето кое утрово скокнало од мостот Близнак на бул.Србија во реката Вардар, не биле вклучени тимови за потрага од Дирекцијата за заштита и спасување, иако биле уште од утрово известени за настанатата состојба.
„По остварените контакти со Бригадата на противпожарна заштита на Град Скопје и ЦИК на МВР известени сме дека БППЗ на Град Скопје не се вклучени во потрагата на лицето кое што утринава скокна од мостот Близнак на Бул. Србија во реката Вардар. Од ЦИК на МВР известија дека во потрагата се вклучени полицајци од Полициска станица Гази Баба и Полициска станица Аеродром. До овој момент нема вклучено тимови за потрага од Дирекцијата за заштита и спасување кои утринава од наша страна беа известени за настанатата состојба“, информираат од ЦУК.
Моментално, по лицето трагаат полицајци од Полициската станица Гази Баба и Полициска станица Аеродром.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
