ФОТО: Растворцев успешно опериран - на терените ќе го видиме дури на пролет

Ракометарот на Вардар Алексеј Растворцев успешно ја заврши операцијата на рамото по повредата со која се здоби на мечот против Металург во Лигата на шампиони. 

Денеска тој пристигна во Македонија и изјави дека зафатот на лигаментот на рамото и бицепсот минал во најдобар ред. 

Првиот преглед е закажан за јануари 2014 година, кога е најавено и специјално доаѓање на лекарски стручен тим од Словенија. Алексеј се очекува да се врати на терените по пет месеци кога се очекува целосно да се опорави од повредата.