Бочварски: Наместо да плаќаме за лажен барок, решаваме суштински проблеми на граѓаните
Наместо на стиропор, лажен барок и споменици, на што ВМРО-ДПМНЕ ги трошеше парите на граѓаните, ние парите ги инвестираме за да ги решиме егзистенцијалните и суштински потреби на граѓаните, рече на прес-конференција, Благој Бочварски, претседател на Комисијата за транспорт и врски на СДСМ.
„Инвестираме како во надземна инфраструктура и обезбедување на сигурни и безбедни улици и патишта, така и во подземна инфраструктура, во водоводни и канализациски мрежи. Низ територијата на целата држава, изградени се преку 400 километри водоводи и канализации, од кои само преку владини програми околу 250 километри, а останатите се од средства на локалните самоуправи“, посочи Бочварски.
Додаде дека досега во употреба се пуштени пречистителни станици за отпадни води во Гевгелија, Радовиш, Струмица, Кичево, Прилеп и Кочани и дека во наредниот период следува изградба во уште 4 општини.
„Се гради насекаде, како никогаш досега, се решаваат проблемите на граѓаните кои со децении биле игнорирани“, констатираше претставникот на владејачката партија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа