СДСМ: Со нас има економски раст и нови инвестиции
СДСМ денеска со соопштение до јавноста:
Владата предводена од СДСМ продолжува со реализацијата на капиталните инвестиции што се во интерес на граѓаните, економијата и државата.
Само во југоисточниот регион, се реализаираат инвестиции од над 100 милиони евра за реконструирање и изградба на патишта.
Во тој дел од државата за првпат по 40 години се реконструира патот Штип – Радовиш, а се гради и патот Штип – Кочани.
Истовремено, низ целата држава се врши рехабилитација на околу 400 километри автопати, регионални и магистрални патишта. Според официјалните податоци, речиси и да нема регион или место во државава каде не се одвиваат градежни активности, во градење и рехабилитација на патишта, во гасификација, железници, комунални проекти или проекти што ги реализираат локалните самоуправи со сопствени средства.
Покрај развој на инфраструктурата, реализацијата на овој инвеститциски циклус значително ќе го зголеми растот на капиталните инвестиции во вториот квартал и позитивно ќе влијае на економскиот раст.
Владата предводена од СДСМ продолжува со реализација на мерките што обезедуваат економски раст, нови инвестциии и развој и унапредување на инфраструктурата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
