СДСМ: Сиљановска потврди дека не си го познава народот, државата, не ги почитува новинарите и бега од сочување со јавноста

Гордана Сиљановска, кандидатката на Христијан Мицкоски призна дека не си ја познава државата, дека не си го познава сопствениот народ од кого денес бара поддршка, пишуваат во соопштение од СДСМ утринава.

Оттаму нагласваат дека уште посериозно е тоа што Сиљановска не ги почитува граѓаните, не ги почитува медиумите и новинарите и бега од соочување со јавноста. 

„Со таквото однесување, Сиљановска го следи примерот на осудениот криминалец Никола Груевски кој со години бегаше од дебати и соочувања со јавноста и медиумите.

Сиљановска секојдневно потврдува дека не е достојна за функцијата за која се кандидира.

Кампањата веќе привршува а граѓаните од Сиљановска не видоа ниту еден конкретен одговор ниту едно решение што е во интерес на граѓаните, освен лицемерие, нечесност и неискреност.

Граѓаните го гледаат ваквото однесување на Сиљановска, а пораката ќе и ја пренесат веќе в недела, кога масовно ќе го поддржат концептот на Стево Пендаровски што води напред“ стои во партиското соопштение од СДСМ.