Средба Иванов-Креј: Македонија заслужува што поскоро да стане членка на НАТО
Денеска македонскиот претседател Ѓорѓе Иванов го прими генерал-мајор Стивен Креј, командант на Националната гарда на Сојузната држава на Соединетите Американски Држави, Вермонт.
На средбата двајцата соговорници размениле мислења за реформскиот процес во одбраната на Македонија, како и за достигнувањата на Армијата на Република Македонија и Националната гарда на Вермонт.
Претседателот Иванов ја истакна важноста од заедничкиот придонес кон зачувување на мирот и слободата во светот, а особено во регионите кои подолго време се борат да ја надминат дестабилизацијата. Од своја страна, генерал-мајорот Стивен Креј,истакна дека Македонија заслужува што поскоро да стане членка на НАТО Алијансата.
Македонскиот претседател на средбата посочил и дека меѓусебната соработка во изминатиов период даде придонес и во достигнување на НАТО стандардите во повеќе области.
Генералот Креј го поздрави ангажманот на македонската армија во мировните операции и истакна дека САД го ценат македонскиот придонес.
