Беса ќе избира лидер на два паралелни конгреси

Членството на Беса дефинитивно ќе оди на два паралелни конгреси за избор на нов партиски лидер, по одлуката на Основниот суд -Скопје 2 дека Билал Касами е претседател на партијата до конгресот. 

Орхан Муртезани од таборот на привремениот претседател на партијата Неџбедин Каремани, за Плусинфо потврди дека ќе организираат свој конгрес и ја поканат групата на Касами таму да си ги одмерат силите.

- Поранешниот претседател е разрешен од мнозинството и за нас тој е само поранешен претседател. Ние одиме на нашиот веќе закажан конгрес. Ако сакаат да се соочат со мнозинството би требало да дојдат на нашиот конгрес и таму да ги одмериме силите, изјави Муртезани за Плусинфо.

Од спротивниот табор се децидни дека судот не го оспорил мнозинството против Касами, туку постапката на доставување на документацијата, поради што, велат тие, конечната одлука ќе ја донесе по конгресот.