„Дај ми се што имаш или готов си“ - вистински хорор за таксист во Кавадарци

48 годишниот таксист од Кавадарци С.Г., синоќа преживеал вистински хорор, кога патникот кој требало да го превезе до село Росоман, го нападнал со нож и го ограбил.

Според информациите од полицијата, кавадарчанецот го качил патникот на улицата „Браќа Џунови“ и тргнал да го однесе во селото Росоман. Кога пристигнале пред мостот, патникот кој седел на задното седиште извадил нож, го фатил С.Г. за глава, ножот му го ставил под вратот и му ги одзел парите и телефонот и излегол од автомобилот.

Кавадаречката полиција трага по насилникот.