Штит и поздрава е: Направете си сами крема за сончање

Oваа домашна крема не е водоотпорна, па би требало повторно да се намачкате по излегувањето од вода.

Изложеноста на сонце е еден од факторите што го зголемува ризикот од заболување од рак на кожата, поради што експертите препорачуваат редовно да нанесувате крема за сончање, а еве рецепт како да ја направите сами.

Состојки:

• 1/2 филџан маслиново или бадемово масло;
• 1/2 филџан кокосово масло (има природен заштитен фактор 4);
• 1/4 филџан пчелин восок
• две лажички цинк оксид.

Подготовка:

Во стаклен сад ставете ги сите состојки, освен цинк-оксидот. Во тенџере со средна големина ставете малку вода и ставете на шпорет да се загрее. Стаклениот сад со состојките ставете го во тенџерето со вода, за состојките да се стопат.

Повремено мешајте, а кога во целост ќе се соединат тргнете ги од шпоретот, и во садот додадете цинк-оксид и промешајте. По желба можете да додадете и есенцијални масла за кремата да има поубав мирис.

Инаку, цинк-оксидот е минерал што го одбива штетното сончево зрачење и е главна состојка на кремите за сончање.

Запомнете дека оваа домашна крема не е водоотпорна, па би требало повторно да се намачкате по излегувањето од вода. Според овој рецепт, направената крема за сончање има заштитен фактор 15, а колку повеќе ќе ставите цинк-оксид, толку е поголем заштитниот фактор.

Всушност и кога купувате креми за сончање, барајте ги оние што содржат цинк-оксид.