Груевски: СДСМ сака народот да стане аморфна маса

Идејата на СДСМ, СЈО и сценаристите откако ќе се замолчат сите медиуми во правец на тоа што Заев и сценаристите замислуваат, да се тргне кон „перење на мозокот“ на граѓаните, вели претседателот на ВМРО-ДПМНЕ Никола Груевски во интервјуто за Канал 5.

-Имаме огромен процент на граѓани со висока национална свест. Некои луѓе сакаат сите наши граѓани да мислат како Сашо Ордановски, како Фрчковски. Народот да стане аморфна маса, а не народ со национална свест. Тоа е идејата, тоа е целта. Ова излегување на народот кое го гледаме деновиве, по бројност и по упорност ги изненади сценаристите и тие го имаат констатирано тоа, но се уште веруваат дека тоа нема да биде доволно за да се спречи нивниот зацртан план, сметаат дека со оваа бројка на народ ќе успеат да се справат , вели Груевски.