Успешно оперирана македонската ракометна репрезентативка
Македонската ракометна репрезентативка, Андреа Белеска, претрпе успешна операција на рамото и за неа сезоната е завршена. Операцијата беше извршена во Љубљана, повредата е успешно санирана и сега Белеска ја очекува процес на рехабилитација.
Според информацијата објавена од нејзниот клуб, романскиот Валчеа, за целосно заздравување на повредата на рамо потребена е рехабилтација од 4-5 месеци, а македонската ракометарка се очекува да се врати на терен на почетокот на следната сезона.
Освен клупските настапи, во периодот на рехабилитрација, Белеска ќе ги пропушти и настапите со македонската репрезентација која во јуни ја очекува баражот со Шведска за пласман на СП 2017 во Германија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
