Голема семејна драма во Кочани - брачен пар итно пренесен во болница
Вчера околу 19:50 часот во Кочани, на улица „9-ти Мај“, четириесет годишниот И.В. додека се движел со неговото возило го пресретнал неговиот брат М.В. (37) кој се нафрлил врз неговото возило, и преку отворениот прозор го фатил И.В по што почнал да го влече за раката со намера да го извади од истото.
Во тој момент И.В. се тргнал со возилото назад и го повлекол М.В. по што тој паднал и се здобил со скршеница на лева нога. Потоа И.В излегол од возилото и настанала меѓусебна расправија во која со повреди во пределот на главата се здобила и сопругата на М.В - Ц. В. (31).
М.В бил пренесен во Болница во Кочани, каде му била укажана лекарска помош, но поради сериозноста на повредите бил префрлен во Градската општа болница во Скопје, а Ц.В. била пренесена во Медицинбскиот Центар во Кочани и била задржана на понатамошно лекување.
Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
