Главоболки, настинки, хронични болести - за што се бара совет на Ало Докторе?
На телефонската линија „Ало докторе“ минатата една недела совет побарале 1.218 граѓани.
Од кога започна да работи телефонската линија 02/15 123 од септември 2014 до вчера имало вкупно 84.109 повици.
Линијата е достапна секој ден 24 часа со цел да се овозможи непосредна медицинска консултација во моментот на појава на различни симптоми на нарушување на здравјето.
Дваесет и пет доктори вкупно се достапни за медицински совет. Повиците се од граѓани од сите градови на Македонија.
Јавувањата се за широк спектар на најразлична симптоматологија , најчесто за покачен крвен притисок, главоболки, сезонски настинки, симптомна болка, покачена телесна температура и совети поврзани со хронични болести.
На сите оние лица кои побараа медицински совет им е дадена здравствена помош со совет и соодветна симптоматска терапија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа