Маглата направи проблеми: Намалена видливост на патиштата
Појава на магла со видливост од 150 до 200 метри има на патните правци Катланово – Велес и Неготино – Демир Капија, инфомира Автомотосојузот во утринскиот извештај за состојбата на патиштата.
Сообраќајот на сите државни патишта се одвива непречено по претежно суви коловози на пониските места и наместа влажни коловози на повисоките планински и осојничави места.
АМСМ за утре во периодот од 12:30 до 14:30 часот најавува 15 минутен прекин на сообраќајот на патот Кичево – Охрид, на потегот Пресека - село Врбјани, каде ќе се изведуваат работи на пат со минирање.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово, Демир Капија – Удово, Кочани – Делчево и Виница – Берово, каде е можна почеста појава на одрони. Од 15-ти ноември стапи во сила законската обврска за задолжително поседување зимска опрема во возилата, без оглед на моменталната временска состојба. Оваа обврска ќе трае до 15 март 2016 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа