Девојче тешко повредено во железничка несреќа кај Кичево
Четиринаесетгодишно девојче од Кичево денеска било тешко повредено во главата во несреќа која се случила во 8 часот на див железнички премин во градот, во близина на крстосницата на улиците „Влашки пат“ и „Ужичка република“.
До несреќата дошло кога помошно возило во сопственост на „Македонски железници“ удрило во девојчето, кое поради повредите било однесено во болница во Кичево, а потоа преупатено во Ургентниот центар во Скопје.
Увид на местото направил јавен обвинител и полициски службеници од Полициската станица Кичево.
Портпаролот на СВР Охрид Стефан Димовски изјави дека ќе се истражуваат причните за железничката несреќа.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
