Две гостиварки се борат за живот: Јаделе отровни печурки
Две гостиварки паднале во бесознание откако најверојатно вчера се затруле со отровни печурки. Тие уште соноќа биле пренесени на Скопските клиники, каде докторите се борат за нивните животи.
Според информации на СВР Тетово, синоќа околу околу 18 часот и 30 минути, во Гостиварската болница биле донесени К.П. (67) и нејзината снаа К.П, (30) од населбата Циглана 2. Постарата жена била во бесознание, а другата видно зашеметена. Таа успела да објасни дека претходно собирале, а подоцна и јаделе печурки. Набрзо потоа имале и нагон на повраќање и болки.
Заради сериозноста на здравствената состојба, по првата помош, тие се пренсени на Скопските клиники и според последните информации не се контактабилни. Се претпоставува дека труењето настанало од конзумирање на печурката аманита.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
