Димовски: Пратениците на СДСМ се само пратеници на СДСМ, а не и на сите граѓани
Координаторот на Пратеничката група на ВМРО-ДПМНЕ Илија Димовски денес ги искритикува пратениците од пратеничката група на СДСМ и нагласи дека тие поставуваат прашања кои само нивната партија ги нарачува, наместо да работат и да поставуваат пратенички прашања од интерес за граѓаните.
-Во Собранието се гледаат два различни концепти. Пратениците на ВМРО-ДПМНЕ и Колицијата за подобра Македонија избраа и на денешната седница, но и на претходните десет, да поставуваат прашања кои до нив ги доставиле граѓаните и кои се од директна и конкретна полза на нив. Пратениците од СДСМ очигледно одлучија да поставуваат прашања кои само нивната партија ги нарачува, а немаат никаква конкретна полза или интерес за граѓаните. Пратениците на СДСМ очигледно се само пратеници на својата партија, но не и на граѓаните, нагласи Димовски.
Пратеникот потенцираше и дека пратениците од Пратеничката група на СДСМ по 15-месечното отсуство и недоаѓање на работа во Собранието, отсуствуваа од точно десет одржани седници наменети токму за поставување на пратенички прашања, каде тие не ја искористија можноста да поставуваат пратенички прашања и да бараат решавање на конкретни проблеми кои ги засегаат сите граѓани на Република Македонија, за што всушност се и избрани од граѓантие да бидат нивни претставници во Собранието на Република Македонија.
-Тоа го видовме кога одлучија да не доаѓаат на работа, но за жал го гледаме и денес кога одлучија да поставуваат прашања кои се интересни само за нивното партиско раководство, рече Димовски.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа