Струмица го одбележа Денот на ослободувањето
Во Струмица со низа манифестации денеска беше одбележан 11 септември - Денот на ослободувањето на градот .Чествувањето на 71-та годишнина од ослободувањето започна со полагање свежо цвеќе пред Споменикот на револуцијата.
Во својот говор градоначалникот Зоран Заев ја нагласи вековната борба за слобода. - Струмица и струмичани мора да ги повторуваат спомените од минатото, кои велат дека таа слобода, во наше име, некој ја извојувале со непокор, верба, љубов и пролеана крв. Седумдесет и една година слободна Струмица, значи 71 година надградба на традиционалните вредности, 71 година надеж и стремеж кон подобро, поубаво и посреќно утре, 71 година прогрес и растеж и конечно, 71 година љубов и верност помеѓу Струмица и струмичани.Единаесетти септеври е ден кој мора да се негува, почитува и чествува, рече Заев.
Претставници на политичките партии,институции и здруженија положија буќети свежо цвеќе пред Споменикот на револуцијата.
Во чест на Денот на ослободувањето деца од Домот за деца и млади „Благој Мучето„ засадија Дрвце на другарувањето во алејата на младите во Градскиот парк.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа