Изгореа два скапи автомобили во Скопје

Околу 2 часот по полноќ во Скопје на улицата „Исаија Мажовски“, додека 25-годишниот  З.В. го палел своето возило „БМВ“ со скопски регистерски ознаки на само неколку метри од местото каде што бил паркиран одеднаш се опожарил предниот дел на возилото. Од пожарот било зафатено и друго возило марка „Ауди“ со скопски регистерски ознаки, во сопственост на 41-годишниот С.С.

Пожарникарите веднаш дошле на местото на настанот, а додека го гаснеле пожарот, З.В. и неговиот татко, 49-годишниот С.В. физички нападнале двајца пожарникари. Истите се приведени, извршен е разговор со истите и по целосно расчистување ќе следи соодветен поднесок.