Драма во Скопје: Го нападнале додека излегувал од возилото
Вистинска драма се одвивала синоќа во Скопје. Околу 02 часот по полноќ 30-годишниот С.Б. од Скопје пријавил во полиција дека претходната вечер во 23 часот и 50 минути на улицата Дане Крапчев при излегување од возило бил физички нападнат од две непознати маскирани лица, при што истите го удриле со тврд предмет и со тупаници по што го напуштиле местото.
Според податоците од полицијата, веднаш по настанот едно од осомничените лица е пронајдено и приведено, а се работи за 28-годишниот скопјанец М.Д. Од извршениот разговор со истиот причина за физичкиот напад биле претходна расправија околу навивачки групи.
Се преземаат мерки за пронаоѓање и на второто лице како и целосно расчистување на настанот по што ќе следи соодветен поднесок.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа