Ова е срам за светскиот ракомет - дали Катар го купи првенството?

-Ова е срам за светскиот ракомет, јасен беше Пјотр Чраповски по поразот на Полска во полуфиналето на Светското првенство. Катар славеше со 31-29, но полскиот ракометар мисли дека најдобри играчи им беа Николиќ и Стојковиќ, судиите од Србија.

- Сите видоа што направија судиите. Невозможно беше да добиеме некоја одлука на наша страна, незнам дали Катар веќе го купил првенството, но ова е срамота. Судиите треба да бидат суспендирани, никогаш повеќе да не судат, почна Чраповски, па додаде:

-Секој може да го види тоа. Секој нормален ракометен гледач знае дека резултатот се знаеше уште пред почетокот на натпреварот.

И германските репрезентативци по поразот од домаќинот во четвртфиналето слично говореа, со заклучок дека не е дозволено да го победите Катар.

- Невозможно е да го победите Катар. Престапи, фаули во напад, нивни две исклучување, а наши десет... Тоа не е нормално. Такви работи не се случуваат на нормални натпревари, заклучи Чраповски, кој не постигна ни еден гол во полуфиналето.