Четиринаесет годишно момче убиено во судири во југоисточна Турција
Четиринаесет годишно момче беше убиено за време на судирите меѓу полицијата и курдските демонстранти во југоисточна Турција синоќа, а еден маж беше ранет, изјавија претставници на силите за безбедност.
Протестите се одржаа во Џизре, град со претежно курдско население во близина на границата на Турција со Ирак и Сирија, каде изминатите недели имаше судири меѓу поддржувачите на курдската исламистичка партија Хода-Пар и младински групации, поврзани со Курдската работничка партија (ПКК). Нема индикации дека Хода-Пар е поврзана со синоќешниот инцидент.
Момчето било застрелано во пределот на градите, по што е однесено во болница, каде починало, изјавија претставници на силите за безбедност.
Според очевидци момчето било застрелано од полицијата додека се враќало од работа.
Дваесет и осум годишен маж е ранет во судирите и тој е хоспитализиран.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
