Пилешко во бел сос

• 500гр пилешко бело месо
• 3-4 лажици павлака
• 1 лажиче сенф
• 50-80гр кашкавал
• 1 лажиче оригано
• ½ лажиче мешан сув зачин
• 200-250мл вода
• Сол и бибер по вкус
• За гарнир
• 3 компири
• 2 млади кромидчиња
• 50гр путер
• 2 лажици зејтин
• 1 лажиче мешан сув зачин
• Сол и бибер по вкус

Месото исечете го на коцки и испржете го во тава со загреано масло. Откако месото ќе се испржи додадете го мешаниот сув зачин и сол и бибер по вкус.
Во подлабок сад промешајте ја павлаката со 200-250 мл вода, сенфот и ориганото. Ставете ја смесата во тавата и оставете да прокрчка 5-10 мин, па потоа додадете го претходно изренданиот кашкавал и тргнете ја тавата од оган.

За подготовка на гарнирот исечете ги компирите на покрупни парчиња и ставете ги во тенџере со вода колку да се покријат и оставете да се варат. Откако ќе се сварат и водата половина испарила (доколку има останато многу вода може да истурите еден дел) додадете го путерот и зејтинот и мешајте постојано за компирите да не се залепат. Откако путерот ќе се стопи додадете го и младиот кромид исецкан на парчиња. Ставете го мешаниот сув зачин и сол и бибер по вкус и оставете да се поропржи уште 3-4 мин.

Извор; Moi recepti