Голема акција во Западна Македонија - Полициските Тигри на терен се слушнале пукотници

Над 10 лица се уапсени во голема полициска акција која утрово се спроведувала во Западна Македонија, дознава Press24 од полициски извори. Според нашите информации, приведена е поголема група која подолг период се занимавала со насилен криминал. Приведените според првичните информации се занимавале со лихварство, насилство и перење пари. Меѓу приведените, како што дознава Press24 има и познати адвокати и извршители кои и помагале на групата преку склучување фиктивни договори и слични малверзации.
Полицијата имала многу работа на терен а при претресите, еден од осмничените почнал да пука кон полициските службеници. За среќа, добро подготвените Тигри на македонската полиција успеале да го совладаат и брзо да јавратат ситуацијата под контрола. 
Според првичните информации во акцијата одземени се и поголем број на луксузни возила.
Од МВР за Press24 и официјално го потврдија случајот. Од таму велат дека повеќе информации ќе објават во текот на денот.