Ден по погребот на Тијана- улиците во Бајмок пусти, децата дома
Ден по погребот на младата Тијана Јуриќ тишина тешка како олово го окова Бајмок.
Во Бајмок улиците се пусти без детски гласови и соседски разговори по улиците.
Во центарот на селото сеуште стои огромна фотографија од Тијана, каде во саботата вечерта нејзините другари и познаници палеа свеќи за нејзината душа.
Тага измешана со бес ја замени тринаесетдневната надеж дека 15-годишното исчезнато девојче ќе биде пронајдено живо. Мештаните се уште ја проколнуваат тешката судбина на семејството Јуриќ. Кога ќе падне мрак сите се зад заклучени врати во своите домови.
Тоа е сликата од селото кое брои над 7.000 жители, и кое по смртта на Тијана е претворено во „село на тишината“, пишува „Вечерње новости“.
Мештаните кои по навика се собираат во малиот селски парк кометираат: „Каде живееме? Ништо веќе не е како порано. Сега сите се плашат за своите деца, што е нормално после сè. Но сепак неможеме младоста да ја зтвориме во нашите куќи, мораме некако да продолжиме да живееме нормално. Барем колку можеме“, велат селаните.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа