Наставничката која едвај го преживеа масакрот во Белград ќе добива доживотен паричен надомест

Владата на Република Србија на денешната седница ја донесе Одлуката за посебно јавно признание за наставничката по историја во ОУ „Владислав Рибникар“ од Белград, Татјана Стевановиќ.

Како израз на поддршка и почит за нејзината лична храброст кога таа беше повредена додека предаваше во масовното пукање на 3 мај 2023 година, го добива ова специјално јавно признание.

Иницијативата за доделување вакво признание на наставничката Татјана Стевановиќ ја покрена група наставници и ученици од ОУ „Владислав Рибникар“, за што беа собрани повеќе од 13.000 потписи на граѓани. Ова е единствен случај на доделување на јавното признание во форма на доживотен месечен паричен приход.

Идејата дека ранетиот наставник по историја треба да добие некаков вид паричен надоместок, како додаток на нејзините месечни примања, кои би биле постојани, до крајот на животот, кои не се преносливи, но се редовни и би се исплаќале секој месец и во согласност со растот на трошоците, беше поддржан од Здружението на Самостојни синдикати на Белград.