Музичкиот свет тагува: Почина легендата Слај Стоун

Легендарниот музичар од 1960-тите, Слај Стоун, фронтмен на познатиот бенд Sly And The Family Stone, почина на 82-годишна возраст.

Семејството на уметникот ја објави тажната вест во понеделник, 9 јуни, велејќи дека Слај Стоун долго време страдал од хронична опструктивна белодробна болест (ХОББ) и имал други здравствени проблеми.

Во соопштението на семејството се вели:

- Со длабока тага ја објавуваме смртта на нашиот сакан татко, Слај Стоун. По долга борба со ХОББ и други здравствени проблеми, Слај почина мирно опкружен со своите деца, најблиски пријатели и пошироко семејство. Додека тагуваме по неговата смрт, наоѓаме утеха во сознанието дека неговото извонредно музичко наследство ќе продолжи да ги инспирира идните генерации.

Бендот „Sly And The Family Stone“ се смета за еден од највлијателните во развојот на фанк, соул, R&B, рок и психоделична музика.

Семејството додаде:

- Слај беше монументална фигура, револуционерен иноватор и вистински пионер кој ја редефинираше музичката сцена на поп, фанк и рок. Неговите легендарни песни оставија неизбришлив белег во светот, а неговото влијание останува неоспорно.

Тие исто така објавија дека секој што сака да дознае повеќе за животот на овој музички великан може да ги прочита неговите мемоари, кои беа објавени минатата година.

Семејството изјави:

- Како знак на неговиот незгаслив креативен дух, Слај неодамна го заврши сценариото за филм за неговиот живот, проект што со нетрпение очекуваме наскоро да го споделиме со светот, кој ќе следи по мемоарите, кои ќе бидат објавени во 2024 година. Изразуваме најдлабока благодарност за целата љубов и молитви во ова тешко време. Им посакуваме мир и хармонија на сите што беа допрени од животот и иконската музика на Слај. Ви благодариме од дното на нашите срца за вашата континуирана поддршка.