Мртво бебе пронајдено во бунар во Хрватска, уапсена 20-годишна девојка
20-годишна жена е осомничена за кривично дело тешко убиство на новороденче во Перушиќ, чие тело беше пронајдено на 4 август, објавија хрватските медиуми.
„Полициските службеници од Службата за криминалистичка полиција завршија обемна и сложена кривична истрага во врска со откривањето на телото на новороденче во областа Перушиќ, кое беше пронајдено на 4 август 2023 година. Од спроведената кривична истрага е утврдено дека осомничената, 20-годишна хрватска државјанка, сторила кривично дело тешко убиство“, соопшти хрватската полиција.
Во меѓувреме, девојката е уапсена, соопштија од полицијата и додаваат дека заради заштита на семејството, не може да откријат повеќе детали, пишува „Јутарњи лист“.
Порталот „Слободна Лика“ објави дека тело на новороденче е пронајдено во селски бунар во местото Прван Село кај Перушиќ. Го пронашол сточар кога дошол да земе вода од бунарот. Новороденчето е пронајдено во речиси напуштена населба, па се претпоставува дека е донесено таму.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
