Левица: 78% повисоки плати за функционерите, 45% за директорите и одвај 5% за наставниците
Ресорот кој треба да биде гаранција за иднината, темел за континуиран развој и унапредување на општеството, на власта не ѝ е во фокус. Очигледно е дека ДПМНЕ не ги засега општествениот, туку единствено - личниот просперитет, велат од Левица.
„Договорените 12% зголемување на плата во септември, наставниците не ги добија. Наместо ова покачување на платите, најавени од Владата се СРАМНИ 5% од ноември, додека најавеното покачувањето за директорските плати е 45%. Потсетуваме, претходната власт, ги зголеми платите на функционерите за неверојатни 78%!
И оваа Влада, како и неколку други пред неа, место со Колективен договор, платите ги решава со ценкање. Социјален дијалог, права од работен однос, правично вреднување на трудот, надлежни судови, не постојат, освен за функционери.
Левица апелира на зголемување на платите на просветните работници! Оваа круцијална дејност не смее своите работници да ги остави на работ на егзистенцијата! Најавеното покачување не е доволно ниту за порамнување со растот на трошоците за живот. Предупредуваме дека запоставувањето на просветниот кадар од страна на државата, може да заврши со штрајкови и протести од кои во загуба ќе биде целото општество“, стои во соопштението на Левица.
15.10.2024 - 09:35
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
