(ФОТО) Повреден коњ сред Маџари со огромна отворена рана на десната страна кај ребрата

Утрово во Маџари, Скопје се појави повреден коњ со огромна отворена рана на десната страна кај ребрата. Вознемирени граѓани веднаш реагираа на социјалните мрежи, барајќи итна реакција на надлежните институции. 

Нашите извори велат дека коњот таму бил повеќе минути, а сега веќе надлежните институции интервенирале, по што коњот е отстранет од Маџари. Прес24 испрати прашање до Министерството за внатрешни работи за тоа што точно се случило со коњот, но одговор до објавувањето на веста не добивме.

Загрижени граѓани, претходно утрово објавија фотографии од повредениот коњ во група „Миленичиња - домашни и улични“ на социјалната мрежа Фејсбук, барајќи итна интервенција од надлежните институции за згрижување на коњот.