ЕСМ: РЕК Битола стави во функција два блока и испорачува електрична енергија
РЕК Битола стави во функција два блока и испорачува електрична енергија во македонскиот електроенергетски систем, соопшти АД ЕСМ, Подружница РЕК „Битола". Како што наведува, Блок 1 е ставен во функција во 11:45 часот денеска, а претходно, за време на викендот, на мрежа беше и Блок 3.
Блок 1 на РЕК Битола беше надвор од функција од петокот поради испадот на 110 киловолтната собирница на МЕПСО. Поради прекинот во напојувањето, одложени беа и операциите за пуштање во финкција на Блок 3.
-И покрај проблемите што ги предизвика испадот, стручни лица на РЕК Битола во рекордно време ги оспособија постројките за работи и комбинатот од денес произведува струја од два блока, наведува ЕСМ.
Ремонтините активности на Блок 2 на РЕК Битола продолжуваат согласно предвидената динамика.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
