Димитриевски: Честит Рамазан бајрам - заедништвото, солидарноста и меѓусебната почит се вредностите кои сите ние треба да ги негуваме

Градоначалникот на општина Куманово Максим Димитриевски упатува честитки до сите граѓани од исламска веросповед по повод големиот муслимански празник Рамазан бајрам.

„Почитувани сограѓани, дозволете ми од мое лично име и од име на општината да Ви го честитам големиот и свет празник Рамазан бајрам на сите што го празнувате.

Посакувам претстојните празнични денови да ги поминете со вашите најблиски, во добро здравје, спокој, радост, слога и хармонија.

Овој празник не потсетува дека заедништвото, солидарноста и меѓусебната почит се вредностите коишто сите ние треба да ги негуваме.

Како општина продолжуваме да градиме еднакво општество за сите граѓани во коешто подобро ќе се живее, а младите лица ќе имаат просперитет и поубава иднина. Честит Рамазан бајрам“, се вели во честитката на Димитриевски.