ЦУК со најнови детали за пожарите: Гори на пет локации

 


На територијата на нашата земја денеска до 12:30 часот има пет активни пожари на отворено, а исто толку се под контрола, информираат од ЦУК. 

Активни се пожарите во во близина на Тиквешко Езеро каде гори нискостеблеста шума и трева, во село Магленце каде е опожарена ниска вегетација и шума, во Штип на улица Асном каде е запалена ниска вегетација, во село Долгаец гори 
мешана шума и во село Подвис годи ниска вегетација и стрниште. 

Под контрола се пожарите во повеќенаменското подрачје Јасен (мешана шума), на планината Кожуф (приземен пожар), село Мерово (мешана шума), село Страгово (ниска вегетација) и село Мрежичко место викано Мушов (ниска вегетација и нискостеблеста шума).

30.08.2025 - 14:15

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега