Апасиев: Нека му ја мислат криминалците, подмитливите и клиентелистите

Зачувување на унитарноста на Републиката е приоритет, укинување на противуставната двојазичност, како и воведување една изборна единица, бидејќи овој шизофрен систем буквално ја фалсификува народната волја и прави привид и илузија на легитимност, вели Димитар Апасиев, претседател на политичката партија „Левица“ во интервју за „Нова Македонија“.

„На пример, коалицијата на Алијанса и Алтернатива имаат двапати повеќе гласови од нас, а шест пати повеќе мандати!? Која е оваа логика? Кое е ова фер натпреварување? Ова лудило ќе мора да го промениме и ќе го промениме.
Следно поле се економијата и социјалата, како и антикорупцијата. Нашите пратеници, наместо заспани убавици, ќе бидат мотори за продуцирање добри и правични закони. Ќе го отвориме Собранието за граѓаните и нивните проблеми. Ќе воведеме приемни денови за средби со нив. Ќе се консултираме со експерти и здруженија од разни области, ќе се бориме машки и ќе ја оправдаме довербата, за на наредните избори – кога и да бидат – да имаме двоцифрена бројка на пратеници. Ќе се факторизираме на македонската политичка сцена, да не може ништо да се случи без наше одобрување. А тогаш, нека му ја мислат криминалците, подмитливите и клиентелистите“ вели Апасиев.

Целото интервју може да го прочитате ТУКА.